Əsas səhifə > Düşüncə, Maraqlı, Sosial, Xəbər > Kimsəsiz uşaqların sığınacaq yeri

Kimsəsiz uşaqların sığınacaq yeri

İstədik, ya istəmədik, xoşumuza gəldi ya gəlmədi fərqi yoxdu, demək olar ki, dünyanın hər bir ölkəsində uşaq evləri var. Dünyanın hər bir ölkəsində övladsız olan, həyatı boyunva övlad sevgisi ilə alışıb-yanan valideynlər də var. Bir tərəfdə də Allahın bu gözəl nemətinə xor baxıb, aparıb öz körpəsini uşaqlar evinə atan vicdansız ata-ana da. Hərçənd ki, bəzi uşaqlar kimsəsizlər evinə hər hansı qəza nəticəsində valideynlərini itirdiyi üçün düşüblər, amma bu o qədər də deyil.

Əvvəllər uşaq evinə getmək nədi, yanından belə keçə bilmirdim. Fikirləşirdim ki, ora getsəm pis olaram, yəni ağlamaq tutar uşaqların da qəlbinə dəyər. Ona görə qorxub getmirdim. Amma sonra bütün cəsaritimi toplayıb Nizami rayonunda yerləşən 1 saylı və Xətai rayonundakı 3 saylı uşaq evinə getdim. Tək getmədim rəfiqəmlə birlikdə.Birinci 1 saylı uşaq evinə getdik. Gözlədiyimizin əksinə olaraq, orada bizi qapıçı yox, iki məktəbyaşlı uşaq qarşıladı. Təəccübləndik, bunun səbəbini öyrənmək istədik. Uşaq evinin tərbiyəçi-psixoloqu Nərgiz Ağayeva bildirdi ki, hər gün 2 məktəbli oğlan uşağı növbə ilə qapıda növbətçilik edirlər… Və elə oradaca dərslərini oxuyub, yazırlar. Bu uşaq evi 100-dən çox uşağın sığınacaq yerinə çevrilib. Onların içində məktəbə qədər yaşlı uşaqlar da var. Uşaqlar yaş hədlərinə görə 5 qrupa bölünüblər. Bura qəbul olunan uşaqlar 3 yaşdan yuxarı olmalıdır. Məktəblilər yaxınlıqdakı 220 saylı məktəbdə təhsil alırlar. Onların günləri isə belə başlayır: saat 7-də yuxudan dururlar. Saat 8-ə kimi yeməklərini yeyib, hazırlaşıb dərsə gedirlər. İkinci növbə saat 10-un yarısına kimi təmizlik işlərini görürlər. Uşaqlar boş vaxtlarında müxtəlif məşğələlərdə olurlar. Məsələn, televizora baxırlar (“Kurtlar Vadisi”ni xüsusilə sevirlər), idmanla məşğul olur, oyun oynayırlar. Burada rəqs, ingilis dili, kompyuter, idman, musiqi, bacarıqlı əllər, bədii naxış və başqa dərnəklər var. Hər bazar günü isə valideynlərlə görüş olur.
Getdiyimiz digər uşaq evi isə Xətai rayonunda yerləşən “Günəş evi” adı ilə tanınan 3 saylı uşaq evi oldu. Bu uşaq evinin 90-dan çox sakini var. Onlardan 12 nəfəri peşə məktəbi və kollecdə, 51-i orta məktəbdə oxuyur. 20-yə yaxın uşaq isə məktəbəqədər yaşlıdır. Uşaqlar 3-yaşdan 18 yaşa qədər qəbul olunurlar. Ancaq elə yeniyetmələr var ki, 18 yaşı tamam olsa da getməyə yeri olmadığı üçün burada qalır. “Günəş evi”nin uşaqları 4 qrupa bölünürlər.
Məktəb yaşlı uşaqlar Xətai rayonunda yerləşən 29 saylı orta məktəbdə təhsil alırlar. “Günəş evi”nin təlim-tərbiyə işləri üzrə direktor müavini Məhbubə Hüseynova bildirdi ki, əsas məqsəd burdakı uşaqların cəmiyyət içinə çıxması, kənardakı insanlarla ünsiyyətdə olmalarıdır: “Biz əsas fikrimizi tərbiyəyə yönəldirik, təhsilə isə məktəb cavabdehdir”. Məktəbi bitirənlərdən müxtəlif ali məktəblərdə təhsil alanları var. Əsgərlik yaşına çatan oğlanlar hərbi xidmətdən qayıtdıqdan sonra Heydər Əliyev adına Neft Emalı Zavodunda 6 aylıq kurs keçir, sonra iş və yataqxana ilə təmin olunurlar. Buradakı uşaqlar da dərslərindən əlavə müxtəlif məşğələlərdə iştirak edirlər. Uşaq Evlərində olan balacalar, bəzən öz ailələrinə qaytarılır, amma ailələrini istəməyərək yenidən uşaq evlərinə geri dönürlər.
Hər iki Uşaq Evi bu günədək bir çox uğurlar göstərib, Azərbaycanı digər ölkələrdə bacardıqları qədər təmsil ediblər.
Bu Uşaq Evlərində gələcəyin həkimləri, müəllimləri, hüquqşünasları, rəssamları, rəqqasları, idmançıları və s. yetişir. Onların gələcəkdə öz bilik və bacarıqları ilə Azərbaycanı dünyada layiqincə təmsil edəcəklərinə, gələcəkdə cəmiyyətin müstəqil üzvü kimi formalaşacaqlarına inanıram.
Uşaq evlərində olarkən diqqətimi bir şey çəkdi, burdakı uşaqlar üçün gələn qonaqlar çox zaman əhəmiyyət kəsb etmir. Ancaq onları qınamaq olmaz. Çünki gələnlər onlara nə doğma ata olacaq, nə də ki, həsrətini çəkdikləri ana…

Advertisements
  1. Nata
    Aprel 11, 2017 tarixində, saat 15:18

    mən uşaqlar evində işləmək istərdim buna görə hara müraciət etməliyəm bilmirm

  2. Mart 16, 2017 tarixində, saat 17:21

    Ele isterdimki uwaq evlerinde iwleyim .. onlarla bir yerde olum onlarin derdini birazda olsa azaldim

  3. elmir
    Dekabr 12, 2016 tarixində, saat 18:41

    skim
    skim

  4. ramal
    Dekabr 8, 2016 tarixində, saat 21:29

    cok ela aglamagim geldi

  5. anja
    İyun 22, 2016 tarixində, saat 15:42

    men ogulluga kotyrmek ycyn 3 jasindan 5 jasina geder oglan usagi axtariram,jaxsi olar ki usag jetim olsun.xaricde jasajiram. xahis edirem komek edin ,hara myraciet etmek lazimdir?

  6. Gunay Elizade
    Dekabr 5, 2014 tarixində, saat 19:37

    Cemiyyetde olan vehsiliklere goz yumuruq. Yalandan usaqlara coxusu yazigi geldiyi kimi gosterir. Menim refiqelerim de daxil olmaqla tanidigim cox insan usaqlardan qorxdugunu deyirler. Bele hiss edenlere seslenirem (Ey insanlar. Siz o usaqlarda qorxursunuz. Inkar etseniz de etmeseniz de bu beledi. Ama bir fikirlesin gorum o usaqlardan qorxmaq lazimdi yoxsa onlari bu heyati yasamaga mehkum eden valideynlerden? Bunu fikirlesin ve aglinizi basiniza yigib bir seyler ucun calisin.) Cavablarinizda etikadan kenara cixmayin xahissss. Diqqetiniz ucun tesekkurler..

  7. Aprel 20, 2014 tarixində, saat 16:27

    MEN BURDAN OZUMU HEMDE OGLAN TAPMAQ ISTITEM KIM GORDU AVAB YAZSIN

  8. Aprel 20, 2014 tarixində, saat 16:25

    Usaq evi hec yaxsi deyil cunki , orda usaqlar insafcasina doyuller

    ora getmeyin. Ay valideyinler usaqlari ordaN cixardin

  9. sahile
    Avqust 25, 2013 tarixində, saat 13:12

    Salam Sumqayit sheherinde hec bir ushaq evi yoxdur ozum cox arashdirma aparmisham orda internat mektebleri var.7 sayli sarayda yerleshen ushaq evinin telefon nomresi 0123441180 gecde olsa melumatlandirmaqi ozume borc bildim.Allah komeyiniz olsun!

  10. Aprel 14, 2013 tarixində, saat 21:18

    əvvəlcədən hamini salamliyiram. bilmək istəyirəm Sumgayıt şəhərində kimsəsiz uşaqların sığınacaq yeri varmı?varsa harada yerləşir.

  11. lela
    İyul 14, 2012 tarixində, saat 15:03

    salam.zehmet olmasa mene 7 sali ushaq evinin nomresini yazasiz.burda olan nomreler duzqun deyil. ve birde daun sindromlu ushaq evi harda yerleshir.cavab versez chox sevinerem.

  12. Gulnar
    İyun 25, 2011 tarixində, saat 13:09

    Biz de kollektivlə usaq evlerinden birine getmek istirrik amma adresini bilmirik bize komek edin xahis edikir.

  13. ayka
    Dekabr 28, 2009 tarixində, saat 00:43

    men bu yazilanlari ozum yawamiwam ozumde 1 ne4e defe uwaqlar evine getmiwem.indide ehd etmiwem getmeliyem sadece ele uwaqlar evine istirem ki ora HEYDER ELIYEV FONDU baxmasin.wukur Allaha o fondun baxdigi uwaqlar evi sevgiden bawqa he4 neye mohtac deyiller.eger bilen varsaki bu fondun baxmadigi uwaqlar evi harada yerlewir xaiw olunur mene xeber verin.emailim qruzinka@mail.ru evvelceden 4ox sagolun

  14. SB
    Dekabr 23, 2009 tarixində, saat 00:17

    Salam!
    mende 220 sayli mektebin sagirdiyem!duzdukii 1 sayli usag evinin usaglari burda tehsil alir!usag evinde (1saylo)deusunduyunnuzdenn ferqli onlarla cox gozel mesgul olurlar!verilen her seydende usaglarin xeberi olur!
    lakin usaglarin maksimum 20 neferi oxuyur orta seviyeli!
    oglanlarininda yarisi siqaret cekir (((((co0x tesuf ama men onlarin hamisini cox istireeem!sevgilimde usag evinin usagidi!
    kenan seni seviremmmm!

  15. jale
    Noyabr 28, 2009 tarixində, saat 17:48

    men de usaq evine gedib onlarla unsiyyetde olmagi cox sevirem.onlara maddi cehetden cox komek ola bilmesemde menevi komeyim cox deyer.amma esitmisem qoymurlar iceri

  16. Peygember_Ashiqi
    Sentyabr 12, 2009 tarixində, saat 18:52

    Salamun Aleykum.Men de hami kimi uwaqlarin atilmasina chox pis baxiram,ele buna gore de tez-tez uwaqlar evine gedib onlarla maraqlaniram ve elimizden gelen yardimi onlara edirik.Bu gun yeni 12.09.2009-cu il tarixinde Ramazan ayinda refiqelerimle birlikde NEFTCHILERDE YERLEWEN 1 SAYLI UWAQ EVI-ne getdik,amma gozlediyimizin eksi ile qarwilawdiq,chox pis olduq.Uwaqlar uchun apardigimiz erzaqlarla (meyve ve wirniyyat) bizi geri qaytardilar.Biz uwaqlara ozumuz ikramda bulunmaq ve onlarla sohbet etmek istedik,amma bize ozunu mudir adlandiran Allahin bir nawukur bendesi ile rastlawdiq.O uwaqlarla goruwmeyimize imkan vermedi ve dedi:”Uwaqlar indi yeyibler,erzaqlari bufete tehvil verin gedin!” Indi siz mene deyin gorum uwaq evinde iwleyen bezi bele iwchilere arxayin olmaq olarmi?! Apardigimiz wirniyyatin ve meyvelerin uzunu uwaqlar gore bileceklermi,onlardan dada bileceklermi?! Neyse…. AWKARDA VE GIZLINDE OLANLARIN HER BIRINI DEQIQLILE BILEN ALLAHDIR.Chox teessuf edirem ki,bile-bile oz uwagini atan vicdansiz valideynler var bu dunyada,onlari ALLAH-A TAPWIRIRAM!

  17. Mart 25, 2009 tarixində, saat 20:37

    əvvəla təşəkkür edirəm, belə bir mövzuya toxunduğunuza görə minnətdaram. Orada yaşayan uşaqlardan biri ilə müsahibe aparsanız daha yaxşı olardı.Gələcəiyimizin sərvətləri olan uşaqlarımızı qoruyaq və onlara qayğı göstərək. Bunlar bizim cəmiyyətin güzgüsüdür. Bu güzgünü təmizləməsən və silməsən çirklənəcək və hər şey bu güzgüdə çirkli görsənək. Ümumiyyətlə, çox gözəl mövzuya toxunmusunuz. Təşəkkür edirəm.

  1. No trackbacks yet.

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma

%d bloqqer bunu bəyənir: