Ermənistan və Azərbaycan nümayəndələri Tbilisidə görüşəcəklər

25 aprel 2009-cu il, Bakı. Qarabağ Münaqişəsinin Tənzimlənməsinə dair İctimai Şuranın növbəti toplantısı keçirilib. Toplantıda əsasən Minsk Qrupu ilə vətəndaş cəmiyyətinin münasibətləri, eləcə də bu çərçivədə keçiriləcək görüşlər müzakirə edilib. Bildirilib ki, dünən şura üzvləri Zərdüşt Əlizadə, Arzu Abdullayeva, Eldar Namazov, İradə Bağırova və Əli Abbasov Minsk Qrupunun amerikalı həmsədri Metyu Brayzanın məsləhətçisi Maykl Karpenter ilə görüşüblər.

Zərdüşt Əlizadə: “QDİƏT tamamilə səmərəsiz bir təşkilatdır”

Politoloqun sözlərinə görə, bu təşkilata sədrliyin Azərbaycana keçməsi bizə heç nə vəd etmir

AJAŞ Xəbər/17.04.2009/.“Qara Dəniz İqtisadi Əməkdaşlıq Təşkilatına (QDİƏT) sədrliyin Azərbaycana keçməsi, ölkəyə iqtisadi baxımdan heç nə vəd etmir. Azərbaycan sadəcə olaraq, sədr kimi təşkilatın qarşısında duran məsələlərin həlli ilə məşğul olacaq”. Bu sözləri politoloq Zərdüşt Əlizadə AJAŞ Xəbər-in müxbiri ilə söhbətində deyib. Politoloqun sözlərinə görə, Azərbaycan artıq iqtisadi fəaliyyətinin bütün istiqamətlərini çoxdan müəyyənləşdirib və əsas partnyor ölkələr bəllidir: “Məsələn, gəlin görək Azərbaycanın ən iri iqtisadi partnyorlarından biri olan İtaliya, yaxud QDİƏT üzvü olmayan digər Avropa ölkələri, həmçinin ABŞ Qara Dəniz hövzəsi ölkəsidirmi?