“Siyasətlə məşğul olmuram” deyənlərə

Son zamanlar ən çox eşitdiyim cümlə – “Mən siyasətlə məşğul olmuram…” Kimlə söhbət edirsən, kimlə danışırsan – bu cavabı alırsan.

– Qazın qiymətin qaldırdılar…
– Mən siyasətlə məşğul olmuram…

– Filankəs filankəsdən filan qədər rüşvət aldı…
– Mən siyasətlə məşğul olmuram…

– Sahibkardan qanundan kənar “vergi” istəyirlər…
– Mən siyasətlə məşğul olmuram…

Bax belə-belə işlər… Nədir bu siyasət ki, heç kəs bununla məşğul olmur və olmaq istəmir?

Yal itləri fəaliyyətdə !

Çox təəssüf, amma deyəsən yal itləri də fəaliyyətı başladı. Bu gün Adnan Hacızadə və Emin Milli restoranların birində oturarkən, iki nəfər onlara yaxınlaşıb nə üçün “dövlətin tənqidi söhbətini edirsiniz” deyə irad tutmağa başlayıblar. Dəmirlərlə yaxşıca məşq etməyə öyrəşmiş bu iki gənc Adnan və Emini cəzalandırmağa başlayıb. Hər ikisini ağır vəziyyətə salıb qaçıblar.

Hal-hazırda hadisəni törədənlər və zərərçəkənlər Səbayel Rayon Polis İdarəsindədirlər.  Zərərçəkmişlərin vəkillərini, hətta polis bölməsinə gələn Hikmət Hacızadəni də (Adnanın valideyni) içəri buraxmayıblar.  Zərərçəkmişləri də bayıra buraxmırlar.

Görünür ki, drujina dövrü başlayır. Yal itləri fəaliyyətdədir.

Həbslər davam edir

Azadlıq radiosunun verdiyi məlumata görə Gül bayramına etiraz edənlərin polis tərəfindən həbsləri davam edir:

Səbail rayon Polis İdarəsinin 39-cu Polis Bölməsində 50-dən çox gənc var. Gənclər Sahil bağında «Gül bayramı»na etiraz edirmişlər. Bu haqda «Azadlıq» radiosuna Müsavat Partiyasının Gənclər Təşkilatından Cavid Hacıybəyil məlumat verib. Hacıbəyli deyib ki, onlar «Terrora yox!», «Matəm elan olunsun!» və «Gül bayramı»na yox!» şüarları səsləndiriblər.

Etiraz edənlər arasında Dövlət Neft Akademiyasının tələbələri və başqa siyasi təşkilatların üzvləri də olub.

C.Hacıbəyli hazırda bölmənin həyətində olduqlarını və gənclərin bir-bir izahatlarının alındığını bildirib.

C.Hacıbəylinin sözlərinə görə, Müsavat üzvü Aygün Quliyeva başından xəsarət alıb.

Ali Novruzov

Rəşad Şirinov

Emin Milli

Emin Milli, Rəşad Shirinov, Əli  Novruzov, eləcə də  ABŞ   Milli Demokratiya İnstitutunun nümayəndəsi Aryen de Volf və Liberal Gənclərin Beynəlxalq Federasiyasını  Baş Katibi Bart Woord və  30-dan çox gənc Musiqi Akademiyasının qarşısında etirazlarını bildirmək və ya Gül bayramını müşahidə etmək üçün toplaşmışdılar. Etirazçılar heç bir şüar səsləndirmir, qışqırmır və ya fit çalmırdılar. Əllərində qərənfil, qara lentlər bağlayıb parka baxır, öz aralarında söhbət edirdilər.

Saat təxminən 13:30 olduqda gənclər əllərindəki gülləri ADNA -nın qarşısına qoyub dağılışmaq istəyirdilər. Onlar  universitet tərəfə hərəkət edərkən, Mərkəzi Bankın yaxınlığında mülki geyimli şəxs onları dayandırıb gözləmələrini tələb etdi. Gənclər sakitçiliklə gözlədilər. Tezliklə polis maşınları gəlib  onları maşına mindirməyə başladılar.

Onların arasında Emin Milli, Rəşad Şirinov, Əli  Novruzov, Nigar Fətəli, Aryen de Volf və 15-dən  çox digər gənc də var  idi. Onlar 22-ci polis bolməsinə aparılıb və onlardan izahat alınır. İzahat yazıldıqdan sonra buraxılacaqları gözlənilir.

Hüquq-mühafizə orqanları Yalçın Rzazadənin şikayətini araşdırmaq istəmir

Yalçın Rzazadə: «Əbülfəs Qarayev Dövlət Əmlakının İdarə Edilməsi üzrə Dövlət Komitəsinə məktub yazaraq həmin kitabxanadan imtina edib. Dövlət Komitəsi isə kitabxananı Cahangir Əsgərova verməyib. Sadəcə, Cahangir Əsgərov həmin kitabxananı zəbt edib, təmir elətdirir» Xalq artisti Yalçın Rzazadə Müstəqil İnformasiya Agentliyinə (mia.az) müsahibə verib.

– Yalçın müəllim, bir müddət əvvəl həyat yoldaşınız, Ə.Məmmədxanlı adına Kitabxananın müdiri Roza Rzazadənin Bakı şəhər Mədəniyyət və Turizm İdarəsinin rəisi Əlikram Əliyevin adamları tərəfindən döyüldüyünü, özünüz isə ölümlə hədələndiyinizi bildirmişdiniz. Hətta bununla əlaqədar hüquq-mühafizə orqanlarına şikayət də etmişdiniz. Məsələ nə yerdədir?

Referendumda qanunsuzluq

Press-reliz

93 saylı Bərdə şəhər Seçki Dairəsinin poliklinikada yerləşən məntəqəsinin nümayəndələri 105 saylı peşə məktəbində məskunlaşan məcburi köçkünləri seçkiyə aparmaq məqsədilə avtobusla həmin əraziyə gəliblər. Məcburi köçkünlər siyahıda adlarının olmadığını əsas gətirərək, seçkiyə getmək istəməyiblər. Məntəqə üzvləri bunun önəmli olmadığını, seçkilərdə iştirakın vacib olduğunu desələr də, məcburi köçkünlər qeydiyyatda olmadıqları məntəqədə səs verməkdən imtina ediblər.

Sumqayıt Dövlət Universitetində görünməmiş özbaşınalıq

Sumqayıt Dövlət Universitetində görünməmiş özbaşınalıq

“Yetər” şadlıq evi, 100 min dollara “Toyota”, ikinci kursa birbaşa qəbul…

Sumqayıt Dövlət Universiteti ülkəmizin ən iri ali təhsil müəssisələrindən biri-dir. 1961-ci ildən fəaliyyət güstərən Azərbaycan Sənaye Institutunun bazasında yaradılmış bu ali təhsil ocağında 6 minə yaxın tələbə müxtəlif ixtisaslar üzrə təhsil alır. Hələ 2000-ci ildə burada baş verən üzbaşınalıqlar, rüşvətxorluq, maliyyə yeyin-tiləri, Təhsil Nazirliyini qəti tədbirlərə əl atmağa məcbur etdi. Rektor dəyişdirildi, hətta bir qrup müəllim, əlaqədar digər səlahiyyətlilər müxtəlif sahələrdə qanunsuz-luqlara görə təqsirləndirilərək barələrində cinayət işləri açıldı, bir çoxları isə həbs edildi.