Vüqar Bayramlı: “İxtisar olunmuş iş yerləri rəsmi rəqəmlərdə göstəriləndən qat-qat çoxdur”

 

AJAŞ Xəbər/13.04.2009/. “Qlobal maliyyə böhranından daha çox əziyyət çəkən sadə vətəndaşlardır. Bu da böhranla əlaqədar bir çox iş yerlərinin ixtisar olunması ilə bağlıdır”. Bu barədə iqtisadçı ekspert Vüqar Bayramlı AJAŞ Xəbər Xidmətinə müsahibəsində bildirib. Ekspertin sözlərinə görə, iş yerlərinin ixtisar olunması ilə bağlı vəziyyət rəsmi rəqəmlərdə göstəriləndən daha ağırdır: “Dövlət Statistika Komitəsinin rəsmi məlumatına görə bu ilin birinci rübündə 6000 iş yeri ixtisar olunub. Lakin aparılan müşahidələr göstərir ki, ixtisar olunmuş iş yerləri bu rəqəmdən olduqca çoxdur”.