Reket jurnalistləri düşünməkdənsə Peşəkar jurnalistləri düşünək

Tural Qurbanov

Əvəz Zeynalov

Azərbaijan Media Mərkəzində debat clubunun növbəti debatında iştirak etdim. Dekabrın 25-i baş tutan  debatda BDU-nun jurnalistika fakültəsinin tələbələri Diffamasiya haqqında qanunu müzakirə edirdi.  Tural Qurbanov yeni qanun layihəsinin qəbul olunmasını istəmir və bu qanunun   ziyan gətirəcəyini sübut eləməyə çalışdı.  Əks  tərəfdə  isə Əvəz Zeynalov  Diffamasiya haqqında qanunun  Azerbaijan mediası üçün vacib olduğuna  inandırmağa çalışırdı.

Fəal keçən debat bitdikdə, hər kəs Turalın arqumentlərinin daha güclü və  inandırıcı olduğunu bildirirdi.  O deyir ki, yeni qanun qəbul olunsa Azərbaycan mediasında anarxiya olacaq.“ Qanun qəbul olunarsa, jurnalistlər qorxmadan istədikləri şəxslərə qarayaxma ilə mə.ğul olacaq. Həbsə düşməyəcəklərini bildikləri üçün insanların arvadı bacısı tənqid edəcəklər” deyir. Diffamasiya qanunu qəbul olunmuş ölkələrin mediasında anarxiyanın olmamasını, böyük demokratiya təcrübəsi olması ilə izah edir.  Bizim isə hələ hazır olmadığımız  fikrindədir.

Arif Əliyev, Qulu Məhərrəmli

Debatda Arif Əliyev və Qulu Məhərrəmli ekspert kimi iştirak edirdi.  Arif Əliyevin sondakı çıxışı  bir  çox suallara cavab oldu.  O, bildirdi ki bu cür qanunlar  qəbul olunanda  hər  zaman  daha  pis  olacağını düşünürük.  Ölüm hökmünün ləğvi haqqında qanunu  missal göstərir.   O zaman da hökmü ləğv  olunarsa  cinayətlərin sayının artacağını düşünürdülər. Amma  heç də, belə olmadı. Diffamasiya haqqında qanun da  düşündüyümüz kimi  problemləri  gətirməyəcəyini bildirdi. Bu qanun peşəkar  jurnalistləri qoruyacağını və onların fəaliyyətini asanlaşdıracağını vurğuladı.