Maraqlıdır!

Nə üçün əsgər paltarları xaki rəngdədir?

   Formalardakı, xaki reng ilk dəfə ingilislər tərəfindən 1850- ci illərdə Hindistanda istifadə olunmağa başladı. İngilis ordusunda Hary Lumsden əsgərlərin ağ forma ilə asan hədəf olduqlarını fikirləşir, beləliklə də paltarların üstünü toz, palçıq və ya çay ilə boyayaraq rənglərini kölgəli qəhvə rənginə çevirdi.

   Belə olanda isə paltarların rəngi əraziyə tamamilə uyğunlaşmış oldu. Torpaq rənginə bənzəyən bu formalar hind dilində torpaq rəngi mənasına gələn “khaki” adlanmış və tərcümədə “xaki” olaraq bilinir. 

 Bəs nə üçün ata soldan minirlər?

   Əsrlər əvvəl daha çox sağ əllərini istifadə edən insanlar qılıncdan asan istifadə etmək üçün, qılıncların qınlarını sol tərəfdə saxlayırdılar. Sol dizin altına qədər enən bu uzun qılıncla ata sağdan minmək maneçilik törədirdi. Soldan, sol ayağı üzəngi üzərinə qoyub, sağ ayağı atın üzərinə ataraq minəndə isə qılınc problem yaratmırdı. Xüsusilə müharibəyə gedən ordularda qayda-qanun səbəbi ilə hər bir əsgər ata soldan minməli olurdu.   Artıq minicilər qılınc daşımırlarsa da, ata soldan minmək indiyə qədər gələn bir qayda halına düşüb.