Stəkanın yarısı doludur yoxsa boş ?

Səkannın yarısı doludur  yoxsa  boş ? Bu misalı yəgi ki əksəriyyətiniz bilirsiniz.  Stəkanın yarısının boş olduğunu duşunənləri bədbin, dolu olduğunu söyləyənləri isə nikbin adlandırırlar.

Bu misalda müəyyən mənada həqiqət  var. Amma hər cür  şərait üçün  misallar  doğru ola bilməz. Duyarlı vətandaş  nə cür  düşünməlidir. Stəkanın boş yoxs adolu hissəsini görməlidir?

Dolu və boş hissəni görən insanlar  kimlərdir? Mənim fikrimcə bu şuuraltı səbəblərdən qaynaqlanır və doymaq və ya tamah hissindən irəli gəlir. Kimə ki, yarım stəkan su bəs edir o, stəkanın yarısının dolu olduğunu görür. Kimə ki, yarım stəkan su bəs etməyəcək o, stəkanın yarısının boş olduğunu düşünəcək.

Mənim fikrimci duyarlı insan, əsl vətandaş yarım stəkanla kifayətlənməməlidir. Stəkan misalına oxşar digər misallar da var, Məhəmməd peyğəmbərin it leşindən  gələn pis qoxunu deyil onun  parlaq  ağ dişlərini görməsi kimi. Bu misalın böyük məna verdiyi hallar var. amma…

Belə çıxır ki, küçədə ölü heyvanlar  leşlərinin qoxusu gəlirsə qoxunu duymamazlıqdan gəlib o leşdə gözəllik axtarmaq lazımdır? Cəmiyyətdəki eyiblərimizi, qonun pozuntularına göz yumub hardasa nəsə yaxşı bir nümunə tapıb onunla kifayətlənməliyik ? Bu başqasına qul olan bir  insanın ulu babalarının böyük imperiyası olduğunu söyləyib qürür duyan insan misalına bənzəmırmı?

Əsl vətandaş hər zaman ac olmalıdır. Doğrunun acı, qayda-qanunun acı  olmalıdır.