Cibimizdən çıxan qəpiklər və ya qədrini bilmədiyimiz sərvət

Bir çoxumuzun tanıdığı Aynur Elgünəşin başına bu yaxınlarda, metroda  bir hadisə gəlmişdi. Metro kartına  pul yükləyərkən, bir nəfər 20 qəpik uzadıb onu da  keçirtməyini xahiş edib.  Aynur  kartı alıb çekə baxanda  görür  ki, 15 qəpik  əskik gəlir.  Bu hadisəni mənimlə bölüşdü və işdən qayıdarkən bu məsələni araşdırmaq  fikrinə düşdük. Metronun Elmlər Akademiyası, Məşədi Əzizbəyov,  Neftçilər və Xalqlar dostluğu stansiyalarını təcrübədən keçirtdik. Neftçilər metrostansiyasından başqa  bütün kassalarda pul əskik qaytarıldı. Ola bilsin ki, 15 qəpik az puldur. Amma  fikirləşsək ki, gün ərzində yüzlərlə insan bu üsulla keçir, onda  15 qəpiklər toplanıb minlərlə manat  pul edir. Bu minlərlə manatlar  isə sadə insanların  cibindən çıxır. Buna  oxşar  hallardan biri də mənim başıma gəlmişdi. Qazax rayonuna  gedərkən qatar bileti almışdım. Sonradan biletə baxanda  gördüm ki, 2 manat 80 qəpik olan  bilətə 3 manat 80 qəpik ödəmişəm.  Bax belə.
Həmişə dövləti günahlandırırıq. Bu dəfə də dövlət günahkardırmı? Nə üçün bizi əfəlləməyə yol veririk ? Nə üçün aldığımızı dəqiqliklə hesablamırıq, bəzi çoxbilmiş, bic insanların cibimizdən çıxan qəpiklərlə qarınlarını doydurmalarına  biganə qalırıq?